Nitin Manna

  NITIN MANNA   2019 March 26 Tlawngkai Nihnih   Duhhrilnak Felfai   Cutikah Israel mi pawl in Joshua hnenah, "A si lo, Bawipa lawnglawng kan rian ding a si," tiah an ti.  – Joshua 24:21   Ka pa in kum 90 a kim ih a simmi cu hminsin tlak taktak a si: "Ka thih tikah Kawhhran siar lo zohman in zianghman an tuah lo pei. Khuahlan khuazing dang kan rak biaklai ih raithawinak le thlacam ti pawl zianghman nan run tuah hrimhrim lo pei. Ka nunlai ih Jesuh Khrih ka biak bangin ka thih tik khal ah a si ding," tiah a ti.    Jesuh Khrih cu i Rundamtu le ka Bawipa tiih a zumfek hnu ah Khrih ih lamzin lawng thlun dingin a hril. A rualpi pawl in an hmuhsuam: "Nang vek putar Biakinn feh ih khawm tum ve?" ti'n. Asinan ka pa cu a nungmi Pathian a zum hnget ih Amah lawng bia dingin duhhrilnak felfai a tuah, Joshua ih a sawmngiarmi Israel mipi pawl vekin!   Joshua in mipi pawl cu: "Tuni ahhin zo kan rian ding timi felfai te'n hril uh," ti'n a sawmngiar. "Kei le ka innsang cun Bawipa ka

NITIN MANNA   2019 March 25 Tlawngkai Nikhat   Pathian ih Nazi pawl   Pathian in Jerusalem a luater ding a si ti ih a hngaktu pawl hmuahhmuah hnenah  naute thu cu a sim ciamco.  – Luka 2:38   Kum upa pitar pahnih ka vehvai cingcing. Pakhat cu sumsaw thuhla ah zianghman thinharnak a nei lo, amai' inn te ah a um. Asinan thil pakhatkhat parah a ṭha lo (negative) lam in thu a sim thei ringring. Pakhat deuh cu dam cak lemlo le thu hngilh hmangzet a si. Apartment ah a um, hminsinnak cabute a tuah ih appointment a neihmi pawl a hngilh dah lo. Amah ra leengtu pohpoh hnenah ṭongfang pakhat bangrep te'n a sim hringringmi cu: "Pathian cu ka parah a tthatuk" ti a si. Netabik ka va leen ttum ah a mizaan vekih a nganmi cu: "Thaisun suncaw ei hlanah! Mangbangza! Lungawiza ni a thleng ding!" ti a si.   Anna cu Jesuh ih suah caan ah profet a si ih a umnak kiangkap hi harsat caan a rak si (Luka 2:36-37). A pasal in tuan te'n a thihsan, fanau a nei lo a bang, ih ninghang riahsia ih um ringring

NITIN MANNA   2019 March 24 Zarhpi Ni   Rinsannak (Trust)   Ṭihphannak ka neih tikah, Maw Ziangkim tithei Bawipa, Nangmah ka lo rinsan a si.  – Saam 56:3   Kan fale pawl an nauhak lai ah siibawi hnen fehpi khi thinlung sungah a taangzetmi hmuhtonnak a si. Hngahnak khaan sungah umhar loih an leh theinak ding nauhak leknak ding zuk (toy) tete in a khat, siar dingmi nauhak thuhla nganmi magazine an ret ih ka siar sak hngai. Curuangah reipi hngah khal a buai lemlo. Asinan appointment ih ka hruai cingcing tikah thil umtu daan a rak thlengh danglam ṭheu. Hmakhat te'n hnihnak cu ttihnak ah a cang, ziangahtile sii sayama (nurse) cu sii dawt dingin ṭhim thawn in ra naih ruangah. In naih deuhdeuh ih ka hngawng in in deek. Ka parah an kai, an luat theinak ding an ruahsan ih, an damnak dingah ti an thei lo.   A caancaan ah hih a tlusia zomi leilung tlun ih kan umlai ah thlangam daihnak le dai teih umnak ihsin harsat buainak hmun le caan kan thleng ṭheu. Cuvek caan ah thusuhnak a ummi cu, "Zi

  NITIN MANNA   2019 March 23 Zarhte Ni   Tleunak Kuatsintu   Johan cu mi hnenah cuih tleunak thu sim dingin a ra. A simmi hmuahhmuah in an theih ih an zumnak dingah a ra a si.     – Johan 1:7   Norway ram ih Rjukan khua fate cu umnak ding hmun nuamzet pakhat a si – thlatang (winter) caan ih khuathim caan siar lo ahcun. Cuih khua cu Gaustatoppen Mountain hram ah ummi a si ih kum hrek sunglai cu direct in Nitleu a dong ngah lo. Khua sung mi pawl in caan reipi an ruahmi cu tlangzim ahkhin thlalang tumpi ret sehla cumi ihsin Nitleu in run tletsin (reflect) sehla ti a si. 2005 kum ah khuasung mi thilthiam mi pakhat in "The Mirror Project" timi a thok ih mipi pawl kha cuih tumtah atak ih hlensuah thei dingah tel cio dingah a sawm. Kum (8) a rung rei hnu 2013 kum October thla ah thlalang ihsin Nitleu hmu dingih zuamnak cu atak in a cangsuak thei tariai. Khua sung mi hmuahhmuah cu town square hmunpi ah cuih thlalang sung ihsin an hnenih a run tletmi Nitleu hawp ngah ve di

NITIN MANNA   2019 March 23 Zarhte Ni   Tleunak Kuatsintu   Johan cu mi hnenah cuih tleunak thu sim dingin a ra. A simmi hmuahhmuah in an theih ih an zumnak dingah a ra a si.     – Johan 1:7   Norway ram ih Rjukan khua fate cu umnak ding hmun nuamzet pakhat a si – thlatang (winter) caan ih khuathim caan siar lo ahcun. Cuih khua cu Gaustatoppen Mountain hram ah ummi a si ih kum hrek sunglai cu direct in Nitleu a dong ngah lo. Khua sung mi pawl in caan reipi an ruahmi cu tlangzim ahkhin thlalang tumpi ret sehla cumi ihsin Nitleu in run tletsin (reflect) sehla ti a si. 2005 kum ah khuasung mi thilthiam mi pakhat in "The Mirror Project" timi a thok ih mipi pawl kha cuih tumtah atak ih hlensuah thei dingah tel cio dingah a sawm. Kum (8) a rung rei hnu 2013 kum October thla ah thlalang ihsin Nitleu hmu dingih zuamnak cu atak in a cangsuak thei tariai. Khua sung mi hmuahhmuah cu town square hmunpi ah cuih thlalang sung ihsin an hnenih a run tletmi Nitleu hawp ngah ve dingin an

NITIN MANNA   2019 March 21 Tlawngkai Nili    Dingnak le Zaangfahnak Kom aw   Bawipa cu a ṭha, harsatnak caan ah beunak ṭhabik a si. A hnenih humhimnak a hawltu cu a zaangfah ih, himdamnak an ngah a si.    - Nahum 1:7   Thuṭhentu hmaika ih a dinlai ah thuṭhen tuarmi nu/pa cu thuṭhennak zung ih zaangfahnak tangah a um. Mawh nei lo a si an ti ahcun thuthennak zung cu beunak a si. Asinan misual tiih thutlukter a si ahcun thuthennak zung cu cawhkuan peknak hmun ah a cang.   Thukam Hlun Nahum Cabu sungah Pathian cu beunak khal a si ih thuṭhentu khal a si ti kan hmu thei. "Bawipa cu a ṭha, harsat caan ah beunak ṭhabik a si" (Nahum 1:7). Asinan hiti'n tla a sim, "Tilian in thil a siatsuah bangin, a ral pawl cu a siatsuah ih, a dodaltu pawl cu thihnak khawthim sungah a thlak hai" (c. 8). Ahlan kum (100) lai ah, Nineveh khua cu Jonah ih thusimmi ruangah an sual an sir ih Pathian ngaidamnak co in an himdam (Jonah 3:10). Asinan Nahum sanlai ah, Nineveh cu Pathian dodaltu a si

NITIN MANNA   2019 March 20 Tlawngkai Nili    Ruahsannak Laksawng   Amah cu Filistin kut sung ihsin Israel mi ruunsuak dingah a thoktu a si ding.  - Thuthentu 13:5   2013 kum ah, Philippines ram Tacloban khua cu a tha a cakzetmi typhoon thlisia ih a nuai ciamcolai ah mi 10,000 lenglo an thi ding ti'n an zum. A nung ih a rung taangmi pawl khal umnak ding inn le lo nei loin le hnatuan ding nei loin an um. Lo theih lo ih an ṭulmi a tam ngaingai. Thla (3) a rung rei hnu ah khuapi siat ti celcel lakah ruahsur le thli hrang lakah lamzin kap ah naute pakhat cu hrin in a um. Nikhua sia cu a reh thei lo, innsang mi pawl cu naunei bawmtu midwife an hawl ih naute le a nu cu siikhan (clinic) ah an fehpi. Naute cu a hung upa vingvo ih harsat caan ih ruahsanmi laksawng ah a hung cang.   Israel mi pawl kum (40) sung Filistin pawl ih namneh an tuarnak hi an miphun thuanthu sungah an harsat nasabik caan a si. Culaifang ah vancungmi in Israel minu pakhat hnenah fapa hleice na nei ding, ti'n a

  NITIN MANNA   2019 March 19 Tlawngkai Nili    Kan Umnak Ding Hmun   Ka Pa ih inn ah innkhan tampi a um ih nan hrangih umnak rem dingah ka feh ding. Cuti in si hlah sehla hiti in ka lo sim lo ding.  -  Johan 14:2   Caan tampi ah mi tampi in rong (color) phunzakip in hmun (place) kan timi hi an langter. Inn (house) timi hnakih huapkau deuh in, umnak hmun timi cu sullam, neihmi, le ruangah timi um lomi duhdawtnak le zuamnak nasabik thawn himdam teih um theinak hmun khi a si. Umnak hmun cun kan nunnak thukbik ih kan phum awknak le ciinkennak thawn kutzaap in in ko. Umnak hmun cu famkim lo hmanseh mangbangza a thiltitheinak thawn in pom a si.   Bible in kan umnak ding hmun thu a sim cingcing. Tahṭhimnak ah, Nehemiah in Jerusalem dinsuah saal a si ding a hngakhlapnak thu a ngan (Neh. 1:3-4; 2:2). Cumi cu mangbang ding cu a um lo, cule, Jesuh in hnangam teih kan um theinak ding hmun ah um ding in duhsak. A dungthluntu pawl hnenah, "Thinlung har le beidong in um hlah uh.

    NITIN MANNA   2019 March 18 Tlawngkai Nikhat    Ṭihnungza Lamzin Tawi   Asinain Jesuh cun, "Ca Thianghlim in 'Milai nunnak cu rawl lawng in a si lo. Pathian hmurka in a suakmi Ṭongkam in a si sawn,' a ti," tiah a ti.  -  Matthai 4:4        Kan ram ih tubaite hril awknak ah mi harsa naunei pek nu pakhat cun a vote pek ding cu diapers thuk khat in a thlengh mai ti ka thei. Ram hruaitu dingah vote pek dingmi pawl ih thuhla pakhat cio kan ruah awk tikah cu nu ih duhhrilnak a tuah daan in ka thin i hnaihnokter. "Asile ziangmi si na theih fiangmi?" ti'n thu ka sut. Cu nu cun dai te'n i umsan men. Thla ruk hnu ah vote a pekmi pa cu hril awknak ahcun nehnak a co. Siahkhon (tax) pek ding a saangter. Atu ahcun thilri ziangkim ih an man a kai thluh, diaper man tla tel in!   Leitlun ram tinkim ah ramkhellam ih siatralnak cu thil thar a si lo. Cuvek ṭhiamṭhiam in thlaraulam ih siatralnak khal hi thil thar a si cuang lo. Satan in Jesuh cu a thlem na

NITIN MANNA   2019 March 17 Zarhpi Ni    Hmuah lomi Mikhual pawl   U le nau pawl, nan hnenah hniksaknak a phunphun a thlen tikah mi vannei kan si tiah ruah aw uh; ziangahtile nan zumnak in  cubangtuk hniksak harsatnak nan neh tikah tuar theinak a ra, ti nan thei.   -  Jeim 1:2-3        Tunai ah ka nupi Marlene le kei in kan fapa le a nupi hnen ihsin thinlauza telephone kawh kan dong. Zaan ah an inn sungah palap pahnih an hmu. Palap pawl hi rannung pawl lakah ziangvek an si timi cu mallai ka thei, asinan Pathian ih sersiammi pawl lakah ka uarmi vate an si lo, ahleice in inn sungih a zuang ciamco tikah.   Kan nupa cu kan fahniang teih inn ah va leeng in kan va bom ngah ruangah kan lungawizet. An inn sungah an hmuah lomi mikhual pawl lut nawn lo dingin a ong pawl phih daan ding kan va simzirh.   Kan nunnak ah kan hmuah lomi mikhual cu in hnaihnoktu harsat buainak hi an si. Harsatnak kan parih an thlen tikah, kan thin a cem ih kan thin a p

    NITIN MANNA   2019 March 16 Tlawngkai Nikhat   Hmin Ṭha   Lennak hnakin hmin-ṭhatnak hril ding a si sawn.  Zaangfahnak cu sui le ngun hnakin a ttha sawn.     -  Thufim 22:1     Charles Ponzi ih hmin cu kumkhua in sumsawlam ah dik lo ih tawlrel in a nunnak a khaisang tum timi thawn a kop aw ringring ding. Sumsaw thu ah dik loin a cangvai ih thawnginn sungih caan tawite a um hnu ah 1920 kum thok ah investor pawl hnenah an sumsaw retmi ih zatek 50% cu ni (45) sungah a khirh saalnak a thok ih 100% cu ni (90) sungah a khirh thluh. Cuti vekih a tuah cu a ti ṭhazet khi a bang. Ponzi in a paisa cu sumsaw khawltu thar (new investor) pawl hnenah co-u (priority) pe in siangzet in a hmang ih fund a hawl. A thilti dik lonak an kaih ngahnak August 1920 ah invest tuahtu pawl in 20 million dollar an sungih bank 5 pawl cu an sung thluh. Ponzi cu kum thum sung thawng an thlak ih neta ahcun Italy ram ah an dawi ih 1949 kum, amai' kum 66 ah paisa pia khat hman

  NITIN MANNA   2019 March 15 Tlawngkai Ninga   Pathian in A Ngai   Zingtin ka thlacamnak cu na thei, Ni a suah tikah ka thuhla cu Na hnenah ka thlenter; cule Na thulehnak hngak in ka um.    -  Saam 5:3   1982 kum ah The Today Show timi TV program in Billy Graham interview an tuah. Cumi ni hlan nikhat duh ah a director pa Larry Ross in ṭuanvo neitu pawl hnenah, interview hlan ih thlacamnak dingah Billy Graham hrangah innkhan (private room) tuahsak dingin dilngennak a nei. Asinan Billy Graham studio ih a ra thlen tikah amah bawmtu pa in Larry Ross hnenah, Billy Graham in thlacamnak khan a ṭul nawn lo, a ti. A simmi cu, "Mr. Graham cu zing a thawh ve te'n thla a cam zo, thawhhlam a ei zawng ah tla a cam zo, lamzin tluan motor car sungah tla thla a cam rero zo, ih interview an tuah sung khal ah thla a cam rero ko ding," ti a si. Ross in netalam ah, "Cumi cu mino dinhmun in ka zir ngahmi fimnak maksak a si," ti'n a sim.   Thlacam nun nei timi cu tikcu caankhiah pa

NITIN MANNA   2019 March 14 Tlawngkai Nili   Karlak ah Feh   Asinain Israel mi pawl cu lam hlapi ah an ding thotho. Pathian umnak khuadur kiang ahcun Moses lawng a va feh.    -  Suah. 20:21        Mipi pawl tlang hram ah dingin, an kiu le kiu dai aw in ṭih le khur ih an um ding khi vun ruat hnik. Ṭektla le khawdur lakah khua a ri ih nimthla a kau zukzo; mero sahzet a um ih tuucangki ringzet ih tummi aw a thang. Tlang hmuahhmuah cu meikhu in a tuam ṭheh, ziangahtile Bawipa cu tlang parah meisa in a rung ṭum. Meikhu cu cahmang meikhu vekin a kai ih Sinai tlang pumpi cu a hnin durdo. Moses a ṭong tikah Bawipa in khuari in a run let (Suah. 19:16-20).   Israel mi pawl in Sinai tlang kiang ah hi bangtuk ṭihnung raapthlakza tontehnak an neih caan ah Moses hnenah zaangfah an dil, "Nangmah in thu in sim awla kan thei ding; asinan Pathian cu kan hnenah thusimter hlah aw, kan thi thluh pang ding," an ti (c. 19). Israel mipi cun Moses cu Pathian le anmah ka

  NITIN MANNA   2019 March 13 Tlawngkai Ninga   Kanmai' Thlalang Taanta   Bawipa umnak Puanthlam sung luhnak kotka ih hna a ṭuantu nunau pawl ih neihmi dar thlalang pawl ihsin kut kholhnak darkheng le dar tawdam pawl a tuah.                            -  Suah. 38:8   Moses in Israel mi pawl ko khawm in biakbuk a sak (Suah. 35-39) tikah, soser thiam Bezalel kha a ṭulmi pawl a tuahter. Ca Thiang in, nunau pawl in a mankhungzetmi an dar thlalang pawl kha Biakbuk hrangih a ṭulmi kut kholhnak darkheng le dar tawdam pawl tuahnak hrangah an pe, ti'n in sim (Suah. 38:8). Cuih nunau pawl cun an neihmi cu Pathian ih umpinak biakbuk hrangah siangzet in an pe a si.   Kan thlalang pawl kan taanta thei ve pei maw? Ziangahtile mi tamsawn hrangah cumi tuah ding cu a harzet men thei. Cumi cu tuah dingih hramhram in dilmi a si lo, asinan cumi in keimah le keim

  NITIN MANNA   2019 March 12 Tlawngkai Nili   Durbing I Pe Aw   Van pawl khin Pathian sunlawinak an sim ih, Tlolak kaupi cun a kutsuak an langter.      -  Saam 19:1        Phunli Tlawng (elementary school) ka kailai ah ka rualpa Kent le kei cu zaan ah German ram tuah durbing (binoculars) hmang in van parih arsi pawl zoh in caan kan rak hmang ṭheu. Van ih Arsi (star) pawl le Thlapi (moon) parih tlang pawl kan zoh tikah kan mang a bang ngaingai. Kan rualtu in zaan ih khuavar "Durbing (telescope) i pe aw," kan ti aw rero.   Kum zabu tam nawn reilai ah Judah mi tuukhal tlangval pakhat cu zaan ih a tuurual pawl an ihthah caan ah van ih arsi pawl a zoh ih a mangbangzet ve. Anih cun tuihsan vekin fiang deuh ih hmuh theinak dingah bawmtu thilri: durbing (binoculars) le telescope hman ding a rak nei ve lo. Asinan anih cun a thupi sawnmi thil pakhat a nei – cumi cu a nung Pathian thawn pumpak ih pehtlaihnak a nei. Na mitthlam ah tuurual ta

  NITIN MANNA   2019 March 11 Tlawngkai Nikhat   Lau-umza Pathian hnenih Pan theinak   Ziangahtile Pathian ih a lo pekmi Thlarau cu sal ah a lo tuahtu ding Thlarau a si lo ih ttihphang in a lo tuahtu khal a si fawn lo. Cuih Thlarau cun Pathian ih fa ah a lo canter ih Pathian hnenah "Abba, Ka Pa" tiih kan au theinak thazaang in petu khal cuih Thlarau a si.  – Rom 8:15        John F. Kennedy US president a silai ah, zuktu pawl in thilcangmi a phunphun an rak zuk ngah ṭheu. President cu tamadah zung khaan (Oval Office) sungih cabuai kimvel ah cabinet upa pawl thawn leitlun thuhla ah thu harsazet rel in an el awk rero. Culaifang ah kum 2 mi John-John cu cuih president ih cabuai kimvel ahcun a rak vaak rero, White House innpi sungah rampi hrangih thu harsazet rel laifang caan asinan a fapate cu a pa hnenah ngamzet in a va leengmi a si.   Cumi cu Jesuh in neelzet in, "Abba, Ka Pa! Na hrang ahcun ziang hmuahhmuah a cang thei ṭheh" tiih a pan vek khi a si (Mark 1

NITIN MANNA   2019 March 10 Zarhpi Ni   Rinlopi ih Ton-awknak   Hiti ih na tuah ruang ahhin Bawipa in lo rul hram seh. A thla hnuai ih humhimnak na hawlmi Bawipa, Israel ih Pathian in a laksawng cu  famkimzet in lo pe hram seh.     – Ruth 2:12   Drew cu kawhhran tumpi pakhat ah thathozet in a veikhatnak hla a hruai rero. Lois timi caan reipi rak khawm zotu in thapek a duh, asinan mipi hmai ih tong awk dingah caan remcang ngah ding a har. Asinan mipi lak ihsin a ti-daan ding lamzin a hawl ngah. Lois in Drew hnenah, "Pathian Biakkhawmnak ih na thathawh zia ka hmuh tikah ka lo uarzet. Catbaang loin Bawipa cu rian ringring aw," ti'n tha a pek.   Lois cu thla tamnawn a hmuh nawn lomi Sharon a hmuh tikah a hnenah a va tlan. Mallai an biak awk hnu ah Sharon in, "Bawipa hrangih na hnaṭuanmi pawl ka theihmi parah ka lungawituk. Pehzom in Bawipa cu rian sinsin aw," a ti. Mi thapetu Lois cu thapek a si ve.   Ruth le a ninu Naomi cu Moab ram ihsin Israel ram ih an ki

NITIN MANNA   2019 March 9 Zarhte Ni   Sangkaa   Kei cu sangka ka si. Keimah ih sungin a luttu cu rundam mi an si ding. An lut an suak dingih hrampi hring an hmu ding.     – Johan 10:9   Ka pasal Jay le keimah in innsang sungtel thar pakhat – thla (2) a kimmi zawhte Jasper kan nei. Jasper him teih a um theinak dingah innsung ih saangkaa pawl ong in kan taan ṭheumi kha kan khar thluh. Asinan kaika ṭum-kainak lamzin cu khar a theih lo ih ong pakhat a taang. Zawhte cu parkai an paihzet. An fatetlai ihsin ttum le kai an paihtuk. Curuangah tangta khaan ih keimah thawih kan um tlang caan ah inn tlun kai ding lawnglawng a tum. Ka kiangte ih umter ka zuam rerolai ah i ra hniksak. Sangka kan tuahmi cu nauhak le uico hrang ahcun a ṭhahnem na'n zawhte hrang ahcun a ṭhahnem lo.   Zawhte luh-suahnak ding sangka (gate) thuhla ih harsatnak kan tonmi in ka khuaruahnak sungah Jesuh in amah le amah kha, "Kei cu sangka ka si" (Johan 10:7) tiih tahṭhimnak a hmanmi i vun ruatter. Nisua

  NITIN MANNA   2019 March 8 Zarhpi Ni   Nun Thianhlimnak   Mi hmuahhmuah thawn rualrem tein um zuam uhla nunnak thiang in nun tum uh, ziangahtile nunnak thiang neih locun zohman in Pathian an hmu lo ding.       – Hebru 12:14        Mi pawl an lungawi caan, an hnaṭuannak diriamzet caan, asilole an nunnom caan ah thusuhnak an tuahmi kan hmu ṭheu. Asinan "Nun thianghlimnak na nei maw?" tiih thusuhnak an tuahmi cu tuni tiang ka thei dah hrih lo. Cuih thusuhnak hi nang teh ziangti'n na let pei?   Bible dictionary pakhat in, "Thianghlimnak (oliness) cu Pathian hrangah a dang teih ret" ti'n a simfiang. Frederick Buechner in, mizia thu a ngannak ah, "Thianhlimnak hnakih atak ih tuah har sawnmi thil dang a um lo. Thianghlimnak cu nunzia mawi (virtue) vekin minung ih tlinnak a si lo. Thianghlimnak cu ... minung ih tuahmi thil khal a si lo, asinan Pathian in minung sungih a tuahmi a si sawn," a ti.   "Pathian in Khrih sungin in pekmi laksaw

NITIN MANNA   2019 March 7 Tlawngkai Nili   Nunnak hrangih Huham   Kilkip in in rial nasa na'n kan kekzaam lo; a caancaan ah awloksong in kan um, asinain kan bei a dong lo.       – 2 Korin 4:8   Ka tlangval lai ah leknak hrangih thong dingmi plastic zuk ka nei. Keimah tluk fang saang ih tuahmi a si ih a mit-hmai hni siamsi ih zuk suaimi a si. Ka ngiarnak awkam cu ka lo thong ciamco dingih na tlu ding, ti a si. Asinan ziangtluk naa ih ka thok khal le a tho saal thei ringring. Thuthup cu ziang si pei? A tanglam ah khe (lead) thawn khingritmi ret sak a si ruangah ding tein a din thei ringringnak a si. Taanphawlawng pawl in tla himi thuhrampi hi an hmang ve. A tanglam ah khingritmi khe (lead) an ret ruangah ziangtluk thli hraang khal ah lawng let thei lo dingin a dohnget ringring thei.   Cumi cu zumtu pawl Khrih sungih nunnak hrihram kan bunmi thawn a bang awk. In ngiartu pawl lakah fek teih kan nun theinak dingih huham cu kanmai' sungah a um lo, kan sungih a ummi