Nitin Manna

NITIN MANNA   2019 April 15 Tlawngkai Nithum   Ka Hrangah A Tamtuk   Hlat deuh ah a va feh ih leilung ah a bok ih, "Ka Pa, a cang thei a si ahcun hih tuarnak khuat-hai hin in luatter hram aw! Asinain ka duh vekin si hlah seh, na duh vekin si ko seh," tiah thla a cam. - Matt. 26:39   "Pathian in kan tithei dingmi hnakih tam in pe dah lo," tiin mi pakhat in a fapa kum 5 mi cancer in a thimi ih hringtu pa hnenah a ti. Hih ṭongfang hi thapeknak cu asinain cumi in a thin a harter sawn, ziangahtile, a fapa a dam thei lo ruangah! A tuarnatnak cu a besiatuk ih a thawthawt a hartuk. A riahsiatnak cu a hrangah a tamtuk ti a thei ih Pathian ih bomnak le tuarpinak nasatak in ka ṭul ti a thei.   Mi hrekkhat ih an hman ṭheumi, "Pathian in nan tithei dingmi hnakih tam in a lo pe dah lo ding," timi ṭongfang cu 1 Korin. 10:13 ih, "Hniksaknak nan ton tikah nan tuar theinak dingah thazaang a lo pe dingih cuti cun nan luatnak dingah lamzin a lo sial sak ding" timi hi a si. Asinan hih ṭongfang ih a sim du

NITIN MANNA   2019 April 14 Tlawngkai Nihnih   Donhar In Um Hlah   Nan donharnak hmuahhmuah cu Amah ih hnenah ṭhum uh, ziangahtile Amah cu nan zawn a lo ruattu a si.     – 1 Peter 5:7   American actor le hnihsuahsai thiam George Burns in hiti'n a sim, "Nun saunak hrangah ziangmi si thupibik?" ti'n thu in sut bang sehla ka lo sim theimi cu donharnak hrial aw, thinharnak le thinbangnak pawl hrial aw, ka lo ti ding. In sut lo a si khal le cumi cu ka lo sim thotho ding," a ti. Burns cu kum 100 tlun a nungdam ih mipi pawl hni uar-o ko a tuah, amai' ruahnak pekmi atak in a nunpi.   Asinan kan nunnak cu a hmun lomi, buainak le sambaunak hlir ih khatmi a si laitak ah ziangti'n so donhar loin cu kan um thei ding? Tirhthlah Peter in Jesuh dungthluntu hmuntin ih a ṭhekdarh aw thluhmi kum zabu pakhatnak san ih zumtu pawl hnenah hiti'n tha a pek: "Curuangah a cakmi Pathian ih kut hnuai ah tangdor tein um uhla Amah in a caan a kim a ti tikah a lo khaisang leh ding. Nan donharnak

NITIN MANNA   2019 April 13 Zarhte Ni   Thlacam Hmaisa   Curuangah Bawipa Pathian hnenah, "Filistin pawl ka va do pei maw?" tiah a sut. Cutikah, "Do awla, Keilah khua cu runsuak aw" tiah Bawipa in a ti.     – 1 Samuel 23:2   Kan pa thawn kan fapa ih piano tum practice kan killai ah Pathian hnen thlacamnak in hram kan thok. Thla kan cam hmaisa, ziangahtile kei le ka pasal cu piano tum thiam kan si lo. Kan pathum te'n musical mysteries "staccato" le "legato" tivek pawl ih tican le piano ih black key pawl ziangti'n tum ding tivek pawl thei pek hlir kan si.   Thlacamnak kha co-u (priority) kan peknak san cu Pathian ih bomnak kan ṭul ti kan theih fiang ruangah a si. David in Keilah khua ih Filistin ral pawl do ding ṭihnung raaptlakza dinhmun ih a din tikah Pathian ih bomnak a ṭul. Raldonak caan a kim hlan ah, "David in Bawipa hnenah "Filistin pawl ka vo do pei maw?" ti'n thu a ron hmasa (1 Sam. 23:2). Pathian in a lungkimpi. Sikhalsehla, David ih milai pawl cun an ral p

NITIN MANNA   2019 April 12 Tlawngkai Ninga   Cumi Cu Keimai' Taa!   Keimah cu Bawipa ka si; Cumi cu Keimai' Hmin a si.      – Isaiah 42:8   Africa ram ih Nile tivapi, kilometer 6,650 (peng 4,100 lenglo) saumi cu Nitlaknaklam ah a luang ih Nisuahnaklam saklam ih Africa ram pawl a pahtlang vingvo ih leitlun ih tiva saubik a si. Kum zabu tampi sung Nile tiva pi cu a pahtlangmi ram tampi ih ummi minung tampi pawl hrangah nuntu khuasaknak cawmtu a si. Atufangte ah, Ethiopia cu tidai tha thawn electric meisa (hydro-power) a sak rero ih Africa ram sungah a tumbikmi a silai ding. Africa ram hrangah electric power tampi ngah theinak source a silai ding.   Egypt siangpahrang Faroh cu Nile tivapi neitu le thoktu kan ti thei. Amah le Egypt mi pawl ih an uar awknakbik cu, "Ka Tiva pi cu keimai' taa a si; keimai' hrangah ka tuah zo," ti a si (Ezek. 29:3, 9). Annih in Pathian lawng hih leitlun ih amahte thil um ciami zate ih neitu a si timi tarlang ding an ṭhelh tariai. Cut

NITIN MANNA   2019 April 11 Tlawngkai Nili   Kan Tlak-niam Tikah   Pathian cun Amah ih minung pawl run dingah naam le fei pawl a ṭulter lo a si, ti cu mi hmuahhmuah in an hmu ding a si. Bawipa cu ral nehtu a si ih nanmah khal hi nan zate in kan kut sungah a lo thlenter ding a si.      – 1 Samuel 17:47   1991 kum August 4 ni ah, MTS Oceanos tinbaw cu South Africa tikap ih ṭihnungza thlisuar sungah a feh. Tinbaw pi cu a pil thok cuahco thlang tikah captain pa cu officer pawl thawn tinbaw taansan tahrat ih tlansuak dingah thuhrisahcatnak a tuah. Passenger lakin Moss Hill timi British musician cun thil umtu daan a dik nawn lo ti a theithiam tikah South African coast guard hnenah Mayday signal a hei kuat. Cule an kut in thilri an keng ih Moss le a nupi Tracy le an rualpi pawl cu an sawm aw thluh ih passanger zate humhimnak ih ṭhawn thei dingin an bawm, cuti'n helicopter parah khaiso an si ṭheh thei.   A caancaan ah in hruaitu ding tiih kan ruah mi pawl in in ṭumsuk

NITIN MANNA   2019 April 10 Tlawngkai Nithum   Burger Pakhat Hlawm-awk   Ṭhatnak tuah kha hngilh hlah uhla, nan neihmi midang thawn hlawm awk ding tla hngilh hlah uh; ziangahtile cumi cu Pathian lungawitertu raithawinak a si.      – Hebru 13:16   Compassion International ih hnaṭuan Lee Geysbeek in minu pakhat cu lamhlapi ih um nauhak a cawmmi va leeng dingin caan ṭha remcang a ngah thu a sim. Cumi nu cun farahzet ih a ummi cuih nauhak pate cu rawl dawr ah fehpi dingin thuhrisahcatnak a tuah.   Nauhak pate in humburger pakhat a cah, ih amah cawmtu nu cun salad a cah. An cahmi rawl pawl an cabuai ih a ra thlen tikah, a zohhliah ih nauhak pate cun a nun sungah himi vek rawl thaw a hmai ah hun a si dah lo ti a thei fiang aw. A hmai ih humburger tumpi a zoh hnu ah amah cawmtu nu ih hmai ahcun salad malte lawng a si kha a hei zoh hliah. Cun a naam a laak ih a burger cu a hrek in a phel hnu ah amah cawmtu (sponsor) nu hnenah a hei pek, a pum a vun cuul ih, "Na rilraw

NITIN MANNA   2019 April 9 Tlawngkai Nihnih   Ciarbeek Tili   A thinlung zate in Bawipa ih thu a ngaitu le, A thupekmi pawl a thluntu cu mi lungawi an si.      – Saam 119:2   Ka rualpa Ed in a fapa te ih thu in sim rero. A fapa cu ciarbeek ih a khatmi tili sungah a ding, curuangah ka rualpa in tili sung ihsin hung suak aw, a ti. Asinan a fapa te cu suak duh cuang loin ciarbeek sung ahcun a feh rero thotho. "Tlan bet nawn hlah," ti'n a sim. Curuangah nauhak pa te cu tidai umnaklam ah a feh thok. Ed in a fapa cu "Feh nawn hlah!" a ti tikah nauhak pa cu tidai sungah a ke zungpi parah a dingih a pa cu thinhengzet mithmai thawn ral vekin a zoh. Nauhak pa in a pa ih tuahter a duhmi a thei ko nain a tuah duh lo.   A caancaan ah kei tla cuih nauhak lungruhzet mipa vek ka bang ṭheu. Ka tuah reromi thil in Bawipa a lungawiter lo ti ka thei ko, asinan ngah ko in ka tuah thotho. Pathian in Israel mi pawl hnenah, "Bawipa nan Pathian ih thu cu kim tein thun uh!" a ti (Daan.

NITIN MANNA   2019 April 8 Tlawngkai Nikhat   Rimhmui Nunnak   A ttulmi hnakin a hlei tiangin in pek. Hih nan laksawng pawl cu Pathian ih lungawinak le a cohlanmi raithawinak, a rim a thawmi rimhmui bangtuk an si.      – Filipi 4:18   Pathian in hnar in rimthaw theih theinak (sense) in pekmi hi lungawi um ka tituk, ziangahtile rimhmui tampi hnim in kan nuam aw thei. Zing hung tho ih thianhlimnak tuah ih rimhmui culh awk khi nuam ka tizet. Ṭhaal caan inn kiangkap hrampi aat ṭheh pekte rim tla khi thaw ka ti. Ahleice in kan inn dunglam ih ka to caan ah kan pangpar duum sungih ka duhbikmi hninsi (rose) par rimhmuite thli in ka hnar sungih a run hran caante khi cu nuam ka tituk. Cuthluh hnu ah ei ding rawl thawthaw pawl ih rim tla thaw ka ti theizet.   Curuangah Paul in "Hih nan laksawng pawl cu Pathian ih lungawinak le a cohlanmi raithawinak, a rim a thawmi rimhmui bangtuk an si," (Filipi 4:18) a timi thu in ka thinlung le ka khuaruahnak a tham nasa. A ṭulsam mi

NITIN MANNA   2019 April 7 Zarhpi Ni   Hram Hnget   Curuangah hih ka ṭongmi a thei ih a thluntu cu lungpi parih innsaktu mifim pa bangtuk a si.      – Matt. 7:24   Pacific region ih "the Ring of Fire" tiih theihmi hmun ahcun linghnin cu an nasa ngaingai. Leilung pumpi linghnin zate ih 90% le leitlun ih linghnin tumbik cangmi ih 81% cu hih hmun ahhin a si. Ka theih daan vek asile Hong Kong ih inn tum pipi pawl cu granite parah an sak ti a si, ih cumi cun linghnin tikah innsiat mal deuh dingin a bawm an ti. Inn sangpi pawl ih hramthlaknak (foundation) cu leitlun linghnin tamzetnak hmun le ram pawl hrang ahcun a thupi hleice.   Jesuh Khrih in A dungthluntu pawl hnenah, minung nunnak saktuah tikah a hngetkhohmi hramthlaknak neih ding a thupit zia a sim hngai.  "Curuangah hih ka ṭongmi a thei ih a thluntu cu lungpi parih innsaktu mifim pa bangtuk a si. Ruah napi in a sur, ti a lian ih thlipi in a nuai ciamco na'n lungpi parih sakmi inn a si ruangah a sawn lo,"

NITIN MANNA   2019 April 6 Zarhte Ni   Lungpacal Bangtuk Zumnak   Bawipa cu ka lungpi, ka ralhruang le i runtu a si.                     Ka Pathian cu ka beunak lungpi, ka ralphaw le ka rundam cahnak a si; Amah sung ahcun ka him.      – Saam 18:2   Kan nupa in kum 100 luanmi pitar kan nei veve. Anmah le an rualpi pawl thawn thurel tlangnak ihsin ka hmuhsuahmi cu leitlun huap zikzik in kum upa pawl ih mizia a si: a liam ciami khuahlan ih harsat caan an vun mang saal timi a si. Tar pawl cun World War II le Great Depression thuanthu pawl an ciingkeng, ih cumi sanlai ih an harsat daan pawl, inn nei lo ih an um thu le college an kailai ah canned soup le pawnghmuk rimsia an rak ei thu pawl an rel thei ngaingai.   Thukalhkeh zawngin, harsat buainak caan na tontehmi in na zumnak le na thlarau thazaang cahnak ah a lo bawm thei. Hih thil umtu daan ka hmuh fiangnak in Path

NITIN MANNA   2019 April 5 Tlawngkai Ninga   Ka hnenah Ra Uh   Jesuh in, "I hmuh ruangah i zum a si maw? Keimah i hmu lo na'n i zumtu cu mi thluasuak an si," tiah a ti.      – Johan 20:29   Charlotte Elliott in thangṭhat hla (hymn) "Just As I Am" timi 1834 kum ah a ngan. Amah nu hi kum tampi taksa damnak famkim lozet ih umtu a si, ih cucing in nunau pawl hrangah cazirnak tlawnginn nei thei dingin sumsaw (fund) hawltu a si. Veikhat cu a dam lozet. Zianghman santlai lozet ah a ruat aw ih cuih a sunglam nun ih tuarnak cun Khrih sungih rinnak a neihmi a rinhlelhter. "Ka Si Bangin I Co" timi hla hi cuih rinhlelhnak a sungih ummi donak ah a nganmi a si. A thinharnak cu hih hlafang pawl in an langter hleice:   Ka si bangin san ka tlai lo, Lung sung natnak na damter ih; Nangmah lawng damtertu na si, Pathian Tuufa Na hnen ka ra!   A thi ih an phum hnu a nithumnak ah Jesuh cu thlaan sung ihsin a tho saal. Cule "Rinhlelhtu Thomas" tiih hminneitu pa hnenah lang in a

NITIN MANNA   2019 April 4 Tlawngkai Nili   Duhdawtnak Thingkung   Khrih in Amah ih taksa rori in kan sualnak cu thinglamtah ah a thlenpi zo ruangah kannih cu sualnak ahcun mithi kan si ih dingnak sungah a nung ding mi kan si.      – 1 Peter 2:24   Kan hmuancar ah "the corkscrew willow tree" timi thingkung cu kum (20) lenglo lai a ding zo. Hih thingkung cu kan faale unau li pawl an nauhaklai ih an lehpannak a si ih kan innkiang ih cepa pawl hrangah an inn a si. Asinan ṭhaal caan a hung suak ih a thlatang zaanmang ihsin a hung ṭhangharh thei nawn lo tikah hau a ṭul taa.   Zarh kar kharkhat ah nikhat cu cuih thingkung ah ka caan a cem – hmaisabik ah ka hautlu ih a hnge le a hnah pawl ka hleuh. Cumi in thingkung pawl ih thu tampi in ruatter.   Thingkung hmaisabik thu ka ruat thok – Adam le Evi hrangah ei sian lomi thingkung ih thu (Seem. 3:6). Pathian in cuih thingkung cu ziangtluk in an rin-um, ziangtluk an rinsan timi hniksaknak ah a hmang. Cun Saam (1) su

NITIN MANNA   2019 April 3 Tlawngkai Nithum   Vanram Lungawinak   Sikhalsehla kanmah ruangah Pathian in sualnak zianghman a nei lomi Khrih kha sual ah a canter ih cuticun amah ih zarah Pathian ih dingnak kan ttawm venak dingah a si.      – 2 Korin. 5:21   Awn celcel. Thir dumdo. Thawpit. Meisa hlumpi. Himi pawl cu Canada rammi thlapi par a kaitu Chris Hadfield in van tlolakpi sungih a fehnak ih a tontehmi pawl simfiangnak ih a hmanmi ṭongfang pawl an si. Rocket cu International Space Station umnaklam pan in a feh tikah leilung ih dirhnak tha (gravity) a ṭhang ih thawthawt a har deuhdeuh. Rocket sungah khingrit zianghman nei lo vekin a thei aw. Cuti'n zianghman thei aw nawn loih umlan si loin a hung hni.   Himi pa ih thusimmi pawl in ka nu ih in thihsanlai thu in vun ruatter saal. A nunnak ih thilrit in a nen deuhdeuh ih thawthawt theinak thazaang a nei nawn lo. A natnak ih anfah tuarnak a cem ih vanram ah zianghman thilrit um nawn loin a thleng. Jesuh hmaika a

NITIN MANNA   2019 April 2 Tlawngkai Nihnih   Lungawinak Thawn Hmang   Pathian hnenih lungawithu a sim hnu ah a phel ih, "Himi hi nan hrangih ka pekmi ka taksa a si. In theih ringringnak dingah ei uh," tiah a ti.  – 1 Korin. 11:24    Cumi cu cabuai thawn a pehpar aw lo, ahlummi siseh, killi neimi siseh a poi lo. Tokham khal a thupibik lo – plastic asilole thing ih tuahmi a si khal ah a poinak a um lo. Cumi cu rawl khal a si fawn lo duhdawtnak thawn suanmi a si khal le. Rawl thaw ka timi cu TV le kan cell phone pawl kan phit ih kan sung te'n kan ei tlangmi khi a si.   Sungkim teih cabuai kiil tlang hi nuam ka tizet, ih rualpi le sungkhat unau pawl thawih chat aw ih thuhla phunkim rel tlang tla ka duhzet. Sikhalsehla, cumi cu tulai technology ṭhansonak in harsatnak a thlenh. A caancaan ah mai' innsang mi hnakin midang pawl kan pehpar deuh ṭheu – lamhla ih umtu pawl – thawn biak awk cu mai' innsungsang cabuai kiil tlang ih thunuam rel hnak in kan hril sawn.   Kan zate in B

NITIN MANNA   2019 April 1 Tlawngkai Nikhat   Harsatnak thawn Tumtah   Cubangtuk in nannih khal nan si ve ding: atu ahcun nan riah a sia, sikhalsehla ka lo hmu saal dingih nan thinlung cu lungawinak in a khat ding; cuih lungawinak cu zohman in an lo long thei nawn lo ding.      – Johan 16:22    Ka rualpi pawl hnenah, nan nunnak sungih harsatbik nan ti caan, tontehnak naabik nan neih caan ziangvek caan a si, ti'n ka sut hngai. An thulehnak cu: raalpi huaisen lai caan, nupi pasal ṭhen awk caan, siizung ih surgery in tuah caan, duhdawt mi ih mual in liamsan caan, tivek pawl an si. Kan nu ih thuleh daan ve cu: "Hmaisabik fatir ka hrinlai caan khi a si," a ti. Asinan a ruat saal tikah lungawinak a si, "ziangahtile tumtahnak tumpi thawn nat tuar caan a rak si."   Jesuh in thinglamtah ih thah a si hlan deuh ah a dungthluntu pawl hnenah a nasazetmi harsatnak le riahsiatnak an ton ding thu a sim cia. Nu in faate a hrin zikte ah nasazet in a tuar nain nau a hung su

NITIN MANNA   2019 March 31 Tlawngkai Nihnih   Ziangruangah Kei Cu?   Sikhalsehla Pathian in ziangtlukin so in duhdawt ti cu a langter: misual kan si hrih na cingin kan hrangah Khrih cu a thi.      - Rom 5:8   British Pastor Joseph Parker cu "Ziangruangah Jesuh in Judas Iskariot cu a dungthluntu ah a hril?" ti'n thusuhnak a tong. Caan tawkfang thukzet in a ruat nain thulehnak a thei lo. Cumi hnakih ka thluak i buaitertu thusuhnak cu, "Ziangruangah kei i hril?" timi hi a si sawn, a ti.   Cuih thusuhnak cu kum zabu tluan ah mikip ih thusuhmi pakhat a si. Mi pawl in an sualnak a besiat zia an theih thuk tikah le sualnak ih a nehtuk tikah Jesuh hnenah a zaangfahnak co dingin an ttahhnawh. Khuaruahhar a simi cu Pathian in a duhdawt, an hrangah thihnak a tuar, ih an sualnak a ngaidam ti thutak an theih ih atak in an nunnak in an tonteh tikah an nunnak thlengh aw in lungawinak in a khat. Cuih thutak cu theih fiang harzetmi a si.   Kei khal thusuhnak ka nei, "Zia

NITIN MANNA   2019 March 30 Tlawngkai Nikhat   Cumi cu A Mawi!   Cutikah Jesuh in, "Zianghman ti hlah uh! Ziangah so nan buaipi rero? Hi nu hin thil ṭha le thil mawi a tuah a si.  – Marka 14:6   Hnaṭuannak ihsin inn a tlun phah ah Terry in a fahniang pawl hrangah laksawng te sum a duh. Airport ih gift shop hnaṭuantu in thilri mankhungmi pawl lei dingin a sim. Anih in, "Himi pawl lei thei dingin paisa ka nei lo," a ti. "Himi hnakih man mal deuh ka duh" a ti. Cazi pa in thilri man cu a ol pam ko sokhaw, a ti. Asinan Terry in a fahniang pawl cu ziangvek te khal a sum asile an lung a awi ko ding ti a thei, ziangahtile duhdawtnak thinlung thawn lei sakmi a si ruangah. A dik a si – a laksawng phurhmi cu an duh ngaingai.   Jesuh in Bethany khua netabik a ve tlawnlai ah Mary in a hnenah duhdawtnak langter a duh (Marka 14:3-9). Curuangah "alabaster thawl khat in a man a khungzetmi spikenard zihmui a lei ih a culh (c. 3). Dungthluntu pawl in thinheng in, "Ziangah thil a heukhau?" an ti (Ma

NITIN MANNA   2019 March 29 Zarhpi Ni   Zo Na Si?   Jesuh cu Jerusalem khua sungih a luh tikah an khua pumpuluk in an au celcel ih, "Himi pa hi zoso a si?" tiah khua mi pawl in an sut.  – Matt. 21:10   Caan khat hnu caan khat, mi tampi anmah le anmah upat ṭihzah ding tlakih an ruah awk tlukin mi ih hmaizah an ton lonak thu pawl kan siar ttheu. "Zo ka si ti in thei maw?" ti'n thinhengzet in an aukio ciammam. Cule "Midang hnenah zo ka si?" ti'n a sim asile nangmah le nangmah na ruah awk vekin na si lo," ti'n an simmi in ralrinnak in pe. Hih theih lonak ruangih mah le mah thupituk ih ruah awknak thawn a linglet awmi nun daan cu Jesuh ah kan hmu thei.   Jesuh cu Jerusalem ih a luhlai ah mipi in an thangṭhat (Matt. 21:7-9). Khua sung  ih umtu pawl in, "Himi pa hi zo a si?" tiih an sut tikah, "Hi pa cu Jesuh, Galilee ram Nazareth khua mi profet a si" (cc. 10-11) an ti. Amah cu caan ṭha remcang ngah dingin a ra lo, tangdor in a Pa ih duhmi tuah dingah thungainak thawn a nunnak pe d

NITIN MANNA   2019 March 28 Zarhte Ni   Nunnak Thingkung   Ka kut le ka ke pawl an suntlang ttheh. Ka ruh pawl tla an lang thluh. Ka hnipuan pawl tla an tthen aw ih, ka korfual ngah dingah camcawh fung an zuuk.  – Saam 22:16-18   A liam ciami kum maltelai ah ka fanu cu a umnak Michigan saklam ih hmun um minung pawl ih thuanthu in a thinlung a laak nasa. Veikhat cu ṭhaal caan sunhnu ih ka va leenlai ah lamzin pakhat ih an langtermi cu: "Trail Trees" timi a si. I sim -fiangmi cu ahlanlai ah hih rammi pawl in an zummi cu thingkung fate pawl kha an fehnak ding an khihhmuh ih phundangzet ih tthang vingvo dingin an tum.   Thukam Hlun in a bang awmi tumtahnak a nei. Bible ih thupek le zirhnak pawl in kan thinlung cu Bawipa ih nunter in duh daan vekih nung thei dingin in khihhmuh. Thukham Pahra pawl cu zohṭhim dingmi an si. Culawng si loin Thukam Hlun ih profet pawl in a ralai dingmi Messiah thu an sim. Jesuh a rat hlan kum thawng reilai ah Bethlehem khua cu – Jesuh ih suahnak ding khua

NITIN MANNA   2019 March 27 Tlawngkai Nithum   Tuah Copmi Awn-deu pawl   Cumi cu mangbang ding zianghman a um lo; satan hman in tleunak vancungmi bangtuk in a tuah aw thei a si.  – 2 Korin. 11:14   Crunch. Crunch. Whoosh! Zuknung (film) an tuah pektelai ah, Foley artists in thuanthu cawn tuahmi bawmtu dingah awn (sound) an rak sersuak. Vur tlakmi awn, vate thlazaap awn le awn phunkim suaktertu thilri pawl an tuah. Movie an zukmi kha atak vek a si theinak dingah hih kutthiam pawl in awn-deu (fake sound) tampi an tuah.   Awn pawl vekin thuhla (message) pawl tla amah vek cekci (replicate) tuah a theih ve. Satan ih hmanmi hriamhrei pakhat cu thu kha thlaraulam ih ṭihnungza ah a cantermi hi a si. Paul in 2 Korin. 11:13-14 sungah, "Annih tla cu tirhthlah taktak an si lo, tirhthlah deu an si. An hnaṭuanmi thu ah thuphan an per ih Khrih ih tirhthlah ngaingai bangin an ti awter. Cumi cu mangbang ding zianghman a um lo; Satan hman in tleunak vancungmi bangtuk in a tuah aw thei a si" ti'n r