Nitin Manna

  NITIN MANNA   2019 March 15 Tlawngkai Ninga   Pathian in A Ngai   Zingtin ka thlacamnak cu na thei, Ni a suah tikah ka thuhla cu Na hnenah ka thlenter; cule Na thulehnak hngak in ka um.    -  Saam 5:3   1982 kum ah The Today Show timi TV program in Billy Graham interview an tuah. Cumi ni hlan nikhat duh ah a director pa Larry Ross in ṭuanvo neitu pawl hnenah, interview hlan ih thlacamnak dingah Billy Graham hrangah innkhan (private room) tuahsak dingin dilngennak a nei. Asinan Billy Graham studio ih a ra thlen tikah amah bawmtu pa in Larry Ross hnenah, Billy Graham in thlacamnak khan a ṭul nawn lo, a ti. A simmi cu, "Mr. Graham cu zing a thawh ve te'n thla a cam zo, thawhhlam a ei zawng ah tla a cam zo, lamzin tluan motor car sungah tla thla a cam rero zo, ih interview an tuah sung khal ah thla a cam rero ko ding," ti a si. Ross in netalam ah, "Cumi cu mino dinhmun in ka zir ngahmi fimnak maksak a si," ti'n a sim.   Thlacam nun nei timi cu tikcu caankhiah pa