Nitin Manna

  NITIN MANNA   2019 March 6 Tlawngkai Nithum   Thuthup Phuanlangnak   Sikhalsehla Pathian in ziangtlukin so in duhdawt ti cu a langter: misual kan si hrih na cingin kan hrangah Khrih cu a thi.       - Rom 5:8   England ram ih tourist hiiptubik pawl lakah pakhat cu Stonehenge ih lungto ṭhuam tumpi pawl hi an si. Hih granite lungto pawl ih sinak hi mangbangza thuthup a si. Kum tinte'n Stonehenge ra tlawngtu pawl cun: Ziangruangah an phun si pei? Engineering thiam maksak pawl hi teh zo pawl an si pei? Ziangti'n an rak tuah thiam si pei? timi thusuhnak pawl hi an suh tambikmi a si. Asinan khualtlawngtu pawl cu an thusuhmi ih thulehnak thei ngah taa loin an tlungkir saal cio. Lungto pawl cu ttong loin dai te'n an rung taang ringring ko.   Ca Thianghlim in cumi hnakih a maksak sawnmi mangbangza thuthup a nei – Pathian rori kha minung ah rung cang tahrat in minung pawl lakah a rung um timi thuthup (mystery) hi a si. Paul in, 1 Tim. 3:16 sungah, "Kan biaknak sun

NITIN MANNA   2019 March 5 Tlawngkai Nihnih   Keimah thawn Thok Aw   Nanmai' duhnak lawng si loin midang in an hrangah a thupibik ih an ruahmi kha a ruah zia thiam ve uh.      – Filipi 2:4   Ka fanute Melissa in a Bible sungah a nunnak tuah ṭhatu dingih a hmanmi hminsinnak ca pawl cu "Mell Notes" ti'n ka ko.   Thuṭhimnak ah, Matthai bung (7) sungah, caang (1) le (2) kiangte ah box zuk a suai ih midang tlunah thu va tthen hlah, ziangahtile midang parih thu na ṭhen tikah, na hmanmi tahfung hmangin midang in na parah thuṭhennak an lo tuah ve ding." Hiti'n a ngan hrih: "Midang na zoh hlanah nangmah le nangmah zoh aw hmaisa aw," tiin.   Melissa cu "midang pawl ih nunnak zawn a ruatzettu" tleirawl te a si. Filipi 2:4 hi a duhbikmi le atak ih a nunpimi Bible caang a si. A tlawngkaipi Matt, Kawhhran Nipi Tlawng ah nursery a zir thok ihsin atu phun (11) a zir tiang a nun zia a hmu ṭhehtu le a theitu, in Melissa motor accident ih a thih tikah, amah hngilh lonak ih kan t

NITIN MANNA   2019 March 4 Tlawngkai Nikhat   Inn Hawltu Sihte   Maw Bawipa, Nang cu kumkhua in kan inn na si.     – Saam 90:1   Bristol Phunsang Tlawng ih hliakhlainak vekin European rock ant cu kan umnak inn pawl hnakin a ṭha sawn men thei. Hliakhlaitu pawl ih an hmuh suakmi cu hnaṭuantu sihte pawl in thlingthlatu sihte pawl kha an nuntu khuasak daan le an dinhmun catbaang loih kilvengtu dingah an hmang. Rock ants pawl ih pakhat le pakhat an pehtlaih awk daan le hnatuan an thiam daan cu mifim scientist pawl hman an lungmit thei khop in a mak. Sihte pawl cu remzet ih hnaṭuan tlang daan an thiam, khuathim sung ih um daan, an siangpahrang bawinu le a faate pawl ih humhimnak dingah inn tiang an sak thiam.   Moses sanlai ah, Israel innsang mi pawl cu hmun thar ah umnak ding inn thar hawl in an um vingvo. Egypt ram ih sal an taanlai dinhmun cu zaangfahnak um lonak a si ruangah an harsa taktak. Sinai tlang le neelrawn ramcar ih an thlenlai ahcun umnak ding hrangih hmun

NITIN MANNA   2019 March 3 Zarhpi Ni   Ziangtinkim in Caan An Nei   Ziang hmuahhmuah in caan an nei ih leilung tlun thil tinkim hrangah tikcu remcang a um.     – Thusimtu 3:1   Keimah vek na si ahcun, nang tla ṭuanvo thar laak ding cu a cang thei lo tiih vun el dingah har na ti nasa ding – ahleice in thil ttha tuah ding le midang bawm ding thawn pehpar in. Kanmahlam in khuimi hi co-u kan pe ding, timi ciamciam teih hril ciami kan nei thei. Cucing in a caancaan ah thil tam deuh tuah dingih kan lungkim thei lo tikah, kan thillung sungah mawhphurhnak nei in asilole rinnak sungah ka nung lo mawsi? ti'n tla tuarnak kan nei thei men.   Asinan Thusimtu 3:1-3 sungih in sim bangin fimnak cun ziangtinkim in tikcu caan remcang an nei ti a thei ding – minung sinak mizia ih cangvainak sungah leilung tlun daan a si. Ziang hmuahhmuah in caan an nei ih leilung tlun thil tinkim hrangah tikcu remcang a um (c. 1).   Nupi pasal na nei ih nu le pa dinhmun ih na thlen hmaisabik caa

NITIN MANNA   2019 March 2 Zarhte Ni   Thiter Theitu Hriamhrei   Sikhalsehla Bawipa a rinsantu cu an tha a tlung saal ding. Muvanlai bangin thla pharh in an zam ding. An tlan khal le an tha a baan lo ding. An feh rero khal le thacem in an sawn dah lo ding.     – Isaiah 40:31   Boxing thong thiam hminthangzet Muhammad Ali in mi a neh theinak dingah tactics phunphun a hmang; ih cumi lakah pakhat cu khatlam pa thinheng le thintok ko ṭongkam in a tuah ṭheu. George Foreman thawn 1974 kum ih an thong awk ṭum ah, Ali in Foreman thin hnaihnok ko a tuah, "Napi'n i thong hmen! Pakhatkhat i hmuh hnik, George. A naa lotuk. Na thiam lo deuh in ka thei" a ti. Foreman cu a thin a tok, a thinphang, a thacem in a rin awtuk nawn lo.   Cumi cu khuahlan ih an rak hman dahmi ti-daan (tactic) pakhat a si. Nehemiah in Jerusalem phardawl a cim zomi a sak saal reromi cu cinghnia hman kai sehla a cim thluh saal ding (Neh. 4:3), ti'n Tobiah le dodaltu pawl in hnaṭuantu pawl thinnau dingin hm

NITIN MANNA   2019 March 1 Tlawngkai Nikhat   A Man Theih Tum Aw   Man pek ih leimi nan si. Curuangah nan taksa cu Pathian sunlawinak ah hmang uh.     – 1 Korin. 6:20   Tubaite ah kan fapate kum 2 mi cu kedan (boot) tharte kan lei sak. A lung a awituk lawmmam ih ihkhun par a kai hlan sung cu a phoih lo. Asinan a thaizing ahcun boot a neih kha a hngilh ih ahlan ih a hruk kel sneaker te cu a hruk. Ka pasal in, "Boot kan lei sakmi hi ziangtluk in a man a khung ti kan fapa te in a theih ding ka duh," a ti.   Boot kedan cu a man a khungzet, asinan kan fahniang nauhak te cun nu le pa in nazi paziat sung hna kan ṭuan, thla-hlawh ziangzat kan ngah ih tax ziangzat kan pek ti a thei baan lo. Nauhak in kan pekmi laksawng cu lungawizet te'n in cosang ko, asinan annih cun thil thar an neih theinak dingah ziangtluk in nu le pa in kan zuam aw, timi theithiam in an sunloih thei lo ding, timi kan theih sak.   A caancaan ahcun kei tla nauhak bangin ka nung ṭheu. Ka kut pharh ta

NITIN MANNA   2019 February 28 Tlawngkai Nili   In Kai Ngah   Ka sualnak phuang lo ih ka um tik ahcun sunvu ka ṭahnak ah ka taksa a vuai ṭheh.     – Saam 32:3   Hih thuanthu hi Pastor pakhat in an khua ih thuthangca (news paper) ah amah te'n a simmi a si. Amah te'n hmeltheihnak a tuahmi putar pakhat thawn an chatting aw. "Nang cu utility company ah hnaṭuantu na si pei cu," ti'n Pastor pa in a ti. Cutikah putar pa in, "A si, ka ṭuan" ti'n a let. Pastor pa in a hminsinmi cu a nauhak lai ah cuih company ih electric cable pawl cu an hmuan sung pahtlang in a feh. Cupa cun, "Khuitawk ah nan um?" ti'n a sut. Pastor pa in an umnak hmun a sim tikah, cupa cun, "Cuih hmun cu ka ciing lai. Cutawk ih electric thawn pehpar in ralrin peknak pawl tla ka ret fel. Nauhak pawl in an sai tla ringring," a ti. Cutikah Pastor pa cu ningzak le phuhrung aw in a um ih putar pa cun, "Nangmah tla cuih nauhak pawl lakah na rak tel ve si lo maw?" a ti tikah a thin a phangzet. Ziangahtile a rak tel v

NITIN MANNA   2019 February 27 Tlawngkai Nithum   Ringring Nun   Cutawk ah a tuah ringring ṭheu vekin a ong awmi sangkate pakhat kiang ahcun a khuk a bil ih nikhat ah vei thum Pathian hnenah thla a cam.     – Daniel 6:10   Daniel Cabu ka zirzoi rerolai ah kiosa (lion) khur sungih an thlak tikih olzet in a luat theimi in ka thinlung in thamzet. Babylon acozah hnaṭuantu pawl lakah Daniel ih dinhmun nahsuah le iksiktu pawl in thang an kam ih cumi cu Daniel in siangpahrang biak loin Pathian hnenah nikhat veithum thla a cam ringring ti'n an zuarthlai (Daniel 6:1-9). Daniel in a iksiktu pawl ih phiarsawmnak a theithiam. An tinmi ni a thlen hlanah a thlacam daan a ṭhin ko ding, ti'n an ruat. Asinain Daniel cu iksiktu le phiarsawmtu pawl ih ruah daan vek milai a rak si lo.   "Siangpahrang in a hmin a khen zo, ti kha Daniel in a theih tikah a inn ah a tlung. A inn tlunta khaan ahcun Jerusalem khualam hoi in sangkate a um. Cutawk ahcun a tuah ringring ṭheu vekin a ong awmi s

NITIN MANNA   2019 February 27 Tlawngkai Nithum   Ringring Nun   Cutawk ah a tuah ringring ṭheu vekin a ong awmi sangkate pakhat kiang ahcun a khuk a bil ih nikhat ah vei thum Pathian hnenah thla a cam.     – Daniel 6:10   Daniel Cabu ka zirzoi rerolai ah kiosa (lion) khur sungih an thlak tikih olzet in a luat theimi in ka thinlung in thamzet. Babylon acozah hnaṭuantu pawl lakah Daniel ih dinhmun nahsuah le iksiktu pawl in thang an kam ih cumi cu Daniel in siangpahrang biak loin Pathian hnenah nikhat veithum thla a cam ringring ti'n an zuarthlai (Daniel 6:1-9). Daniel in a iksiktu pawl ih phiarsawmnak a theithiam. An tinmi ni a thlen hlanah a thlacam daan a ṭhin ko ding, ti'n an ruat. Asinain Daniel cu iksiktu le phiarsawmtu pawl ih ruah daan vek milai a rak si lo.   "Siangpahrang in a hmin a khen zo, ti kha Daniel in a theih tikah a inn ah a tlung. A inn tlunta khaan ahcun Jerusalem khualam hoi in sangkate a um. Cutawk ahcun a tuah ringring ṭheu vekin a ong awmi s

NITIN MANNA   2019 February 26 Tlawngkai Nihnih   Hmuh Daan Thlengh   Paul in Silas le Timote kha Athens khua ihsin a hngah rerolai ah cuih khuapi cu milem zuk in a khat ti kha a hmu ih a thin a nau ngaingai.     – Tirh. 17:16   Kan nu cu zing te'n a tho ringring ih midang thawh hlanah daihrial caan (quiet time) laakin Bible siarnak le thlacamnak in caan a hmang ringring ih a nuam awzet. Tunaite ah a duh cuangmi tokham a laaklai ah zaan hmaisa ih bawlungsit zohtu in hnawm pawl a taantami a hmuh tikah a thinlung a hnaihnokter ih a lungawinak hmuah a hlohter ṭheh.   Cun ruahnak pakhat in a nunnak cu a run ṭhawng ngah, ih mileng khan tokham settee umnaklam ah a va thawn. Cutawk ihsi cun kan inn hmailam ih sangkate ihsin Atlantic Ocean tlun ih Nisuak tleu mawi a hei hmu thei. Cumi zing ah Pathian ih sersiammi zoh mawizet khur le ram (scene) a hmuhmi in a thil hmuh daan a thlengh danglamter.   Thuanthu in simmi in kan nupa in khami zing ih thil umtu daan ihsin zir

NITIN MANNA   2019 February 24 Zarhpi Ni   Ruun Suak Dingin Hngakhlap   "Amah in fapa a hring dingih a hmin ah JESUH tiah na sak pei, ziangahtile a minung pawl kha an sualnak ihsin a ruunsuak ding a si," tiah a ti.       – Matt. 1:21   Zuknung (movie) pakhat "Thir Minung (Man of Steel)" timi 2013 kum ih an suahmi cu Superman thuanthu hrangih khuaruahnak thar a si. Mangbangza le cawl loin nasatak cangvaihnak thawn a khatmi hih movie cu leitlun hmuntin ih zuknung hmuhnak theaters kip ah mipi a hiip nasa. Mi hrekkhat in hih film ih mipi a hiip theinak hi an zuknak technology parah hram a bun, an ti. Midang pawl cun thuanthu danglamzet "Superman mythology" ruangah a si an ti.   Hih zuknung (movie) sungah Lois Lane dinhmun ih lemcangtupa Amy Adams, le lemcangtunu (actress) cun Superman ih mipi hiip theinak parah hmuh daan danglam an nei. An simmi cu, himi hi minung ih kan hngakhlapmi thuhrampi a si: "Zohman ih an zum lomi mi pakhat rak ra tahratin in rung ruun

NITIN MANNA   2019 February 23 Zarhte Ni   Hmuh Thei Lomi Leilung   Balaam ih laak in ralnam a kengtu vancungmi pakhat lamzin ih a din kha a hmuh tikah lamzin ihsin a pial ih hramlak ah a feh. Balaam in a laak cu a vuak ih lamzin ah a kirter saal.       – Mipum. 22:23   Microscope timi thilzohnak durbing hmangin kan zoh tikah minung mit ih kan hmuh thei lomi a nungmi organism pawl cu thli lakah, leilung parah, tidai sungah le kan taksa sungah tamzet an um ti kan hmu thei. Kan lei tisa mit ih hmuh theinak leeng ih um an si na'n cumi pawl thawn catbaang loin kan pehtlai aw ih kan ngiar/tawng aw ringring a si.   Thlarau leiram ih thil ummi pawl hi milai mit in kan hmu thei ṭheu lo, prophet Balaam ih hmuhtonmi bangin. Lamzin tluan ah a sal pahnih thawn an feh rerolai ah an tomi laak in Bawipa ih Vancungmi cu a kut ah naamsau keng ih a rak dingmi kha a hmu (Mipum. 23:23). Vancungmi kian dingin a laak cu lamzin ihsin hramlak ah a pial. A laak in vancungmi a hmu

NITIN MANNA   2019 February 22 Tlawngkai Ninga   Cangantu Sut Aw   Ca Thianghlim in, "Bawipa ih thinlung cu zo in so a thei? Zo in so ruahnak a pe thei ding?" a ti. Sikhalsehla kannih cu Khrih thinlung neitu kan si.  – 1 Korin. 2:16   Kum tampi sung cabu pawlkom a phunphun ah ka tel. A tlangpi thu in kan tuahmi cu cabu pakhat kha kan siar tlang ih cangantu ih tiduhsan hi ziangmibik a si pei timi kan relkhawm. Mi pakhat in thusuhnak a neih tikah zohman in diriam in kan simfiang thei lo tikah pakhatkhat in, "Cangantu kan suh a ṭul ding," an ti ringring. Cangantu hrekkhat cu anmah tong thei dingah paisa pek an ṭul.   Bible zirzoi (study) dingih tokhawmtu kannih zumtu pawlkkom thawn cu kan va dang aw ve. Jesuh in zumtu a fahniang pawl hmunkhat teih kan tonkhawm awk tinte'n in tong.  Ton-man (fee) in laak lo. Caan bikhiah ah a buai lo. Khualtlawn man paisa cem khal a ṭul lo. Culawng si loin kan theih fiang dingin zirhtu dingah Thlarau kan nei. Jesuh in a dungthluntu pawl hnenih n

NITIN MANNA   2019 February 21 Tlawngkai Nili   Pathian Pan   Pakhat le pakhat an ko aw ih: "Thianghlim, thianghlim, thianghlim! Cungnungbik Bawipa cu a thianghlim! A sunlawinak cu leilung ah a khat a si," an ti.  – Isaiah 6:3   Pathian ka naih deuh ih kan feh tlang tikah misual ka si zia roh deuh in ka thei aw ih cumi in ka thinlung in hnaihnok. Cun milai ih mizia umtu daan ka khaan sungih ka hmuhsuahmi in ka thinlung mit a vangter. Sangkate (window) ih puanzaar pahnih malte a dai aw lomi karlak ihsin ka khaan sungah tleunak a rung lut. Ka zoh tikah cumi nitleu sungah hnawm baal leivut fatete an langmi ka hmu. Cumi tleunak a um lo ahcun ka khaan sung cu a thiangfaizet vek a bang, asinan tleunak a um tikah cumi in hnawm baal a um ti a langter.   Cuih thil umtu daan ka hmuhmi in ka thlarau nun ah tleunak a pek. Tleunak a simi Bawipa ka naih deuh caan ah keimah le keimah fiangzet in ka hmu aw. Kan nunnak khuathim sungah Khrih ih tleunak a rung thlen tikah cumi in kan sualnak a lang

NITIN MANNA   2019 February 20 Tlawngkai Nithum   Khingrit Zaangter   Kannih khal hitluk in a tammi thutheitu pawl in mero bangin in kil ruangah kan fehnak lamzin ah in dawnkhamtu thil pawl kha hlon in in ṭawnṭemtu kan sualnak thilrit cu tlaansan tahrat in kan hmai ih a ummi tlanzuamnak ah taimak suah in tlan uhsi!    – Hebru 12:1   1628 kum August 10 ni cu tiralkap thuanthu ah thimkhawzing tlun ni a si. Cumi ni ah Vasa tiralkap tinbaw cu a poksuak. Kum (2) rei an sak hnu ah, thilri 64 cannons phur thei dingin nasatak in ceimawi a si, ti'n Swedish navy cun uarzet in a sim. Asinan tinbaw cu tifingriat sung peng khat a fehnak ah a pil. Ziangmisi palhnak a um? Thil an phurhtermi a rittuk ruangah a si. A phurh thei zat hnakih tamtuk thil an phurhtermi in Vasa cu tifingriat tawne ah a thlenter a si.   Christian nun tla hi thilrittuk phurhnak in in dir-thla thei ve a si. Kan thlarau nun khualtlawnnak hrangih thazaang peknak ah Hebru cangantu in, "Kan fehnak lamzin ah in dawnk

  2019 February 19 Tlawngkai Nihnih   Zo ih Duhnak?   Hlat deuh ah a va feh ih leilung ah a bok ih, "Ka Pa, a cang thei a si ahcun hih tuarnak khuat-hai hin i luatter hram aw! Asinain ka duh vekin si hlah seh, na duh vekin si ko seh," ti'n thla a cam.     – Matt. 26:39   "Thil ziangkim na duhnak vekin cang hram seh!" ti hi Tuluk Kum Thar (Chinese New Year) caan ih pakhat le pakhat an cibaibuk awknak ṭongkam a si tlangpi. Mangbangza a simi cu ka nun ih thilcangmi pawl hi keimai' duhnak vekin si loin Pathian ih duhnak sawn in a si ringring.   Duhhrilnak pek sitaa bang sehla, Joseph in Egypt ram ih sal dinhmun hi a hril lo ding (Seem. 39:1). Asinan sal sinak sungin "a hlawhtling" ziangahtile "Bawipa cu a hnenih a um ruangah" a si (c. 2). Bawipa in Joseph ruangah a Bawipa ih innsang tla thluasuah a pek (c. 5).   Mai' duhhril sisehla Joseph in Egypt ih thawngtlak cu a hril lo ding. Asinan amah cu mawh lo cingin nupa sualnak thu ah sualpuh a si ih thawngthlak tiang

2019 February 18 Tlawngkai Nikhat   Thlalang (Mirror)   Sikhalsehla mi a luattertu, a famkimmi daan kha felzet ih a zoh ringringtu cu a thei mentu le a hngilhtu si loin a tuahsuaktu a si; cuti'n a tuahsuak ruangah Pathian ih thluasuah mi a si ding.     – Jeim 1:25   Ziangti'n thlalang (mirror) sungah na zoh aw ṭheu? Mihrek ih zirzoinak ah mi zaraan in nikhat ah vei 8-10 thlalang an zoh, ti a si. A dang hliakhlaitu pawl ih simmi cu nikhat ah vei 60–70 lenglo a si thei, thlalang innpi sungih um caan le smart phone sungih zoh awk caan tel in," an ti.   Ziangruangah thlalang kan zoh cingcing si pei? Mithiam pawl ih an lungkim tlangmi cu kan hmai le sinfen zohfel awknak dingah, ahleice in midang thawn tong aw dingih feh zik tikah le mibur lakih kan tel zik tikah thlalang kan zoh taa ringring. Zoh mawi lomi a um pang maw ti zohfel awknak le a ttulsammi tuah le rem aw dingah a sibik.   Tirhthlah James in, "A thu kan theih takah a tawk ko ti men in nanmah le nanmah bum aw

2019 February 17 Zarhpi Ni   Lilawn Don   Ziangahtile Bawipa ih Thu cu nanmai' hnen ihsin Masidonia le Akhaia peng khuazakip ah a thlen lawng si loin Pathian nan zumnak thu cu khuaza ramkip ah a thang a si. Kanmai' sim rero hman aṭul lo.    – 1 Thes. 1:8   James Michener ih nganmi Centennial timi cabu cu thinlung sungih suangtuahmi thuanthu le Nitlaknaklam America ram dinnak thu a si. France-Canadian sumdawng pa Pasquinel ih khurkhua hmuh theinak thawngin, Michener in hmunrawn Arapaho le European hrambunmi Saint Louis mibur pahnih ih thuanthu a kom sak thei. Hih a hraapzetmi le hmunrawnpi karlak ah ralṭhazet ih a feh ngamnak ruangah amah cu a bang aw lomi leilung pahnih pehzomtu lilawn (bridge) ah a hung cang.    Jesuh Khrih ih dungthluntu pawl tla a dang awzetmi leilung pahnih – Jesuh Khrih thei le zum ih a dungthluntu pawl le Jesuh Khrih a thei hrih lotu pawl – karlak ah pehzomtertu lilawn don theinak caan ṭha kan nei thei ve a si. Thessalonica khua ih zumtu pawl tla

NITIN MANNA   2019 February 16 Zarhte Ni   Hrem Theih Lomi Hrem   Sikhalsehla kaa sungih lei cu  a hrem theitu ngaingai zohman an um lo. Lei cu a ṭha lomi a si ih uk theih lomi a si; mi that thei tur a nei.     – Jeim 3:8   Vietnam vok ihsin thok Siberian ih cinghnia pawl thleng, minung pawl in a hraangzetmi le a heerzetmi rannung pawl fim le dai teih an um theinak dingah an hrem, an zirh in an kilkhawi thei. Minung pawl in zawng (monkey) pawl cu an cangvaiter ih sumsaw hawlnak ah an hmang asilole zukneng tla an kut keu dingin an zirh thei. Tirhthlah James ih a sim bangin, "Minung in ramsa hmuahhmuah hrem thei lomi a nei lo; hramlak ramsa le vate pawl siseh, bokvak ih a vakmi ramsa le ti sung nga pawl siseh, a hrem thei ṭheh a si," a ti (Jeim 3:7).   Asinan kan hrem thei lomi thil pakhat a um. Kan zate in kan buaipimi cu thil fatezet "lei (tongue)" timi ih in uk hi a si. James in, "Kaa sungih lei cu a hrem theitu ngaingai zohman an um lo," a ti (c. 8).  

NITIN MANNA   2019 February 15 Tlawngkai Ninga   Ka Hnenah Rak Keng Uh   Jesuh in an hnenah, "Maw zumnak nei lo minung pawl, Nan hnenah ziangtik tiang so ka um hrih ding? Ziangtik tiang so ka lo zawi hrih hai ding? Nauhakpa cu ka hnenah rak keng uh," tiah a ti.     – Marka 9:19   Tlangvalpa Mark in, "Pathian ka zum thei lo, ka feh lo ding," a ti.   Amy cun a dang sungih ummi hlompi cu dolh thei dingin a zuam rero. A fapa cu lungawi theizetmi dinhmun ihsin mit-hmai thimzet, mi sualralzet le mi bawm duh lo dinhmun ah a thlengh danglam aw. Nunnak cu raldonak hmun a si, ih Zarhpi Ni cu thihnak ni ah a cang. Tlangvalpa Mark cu a innsang mi pawl thawn biakinn feh ding a el. Netabik ahcun riahsiazet in a nu le pa cun ruahnak petu hnenah thu an va ron. Thuron petu in, "Mark cu amai' duhmi zumnak lamzin thlun ko seh. Pathian uknak sungah hramhram in nan fehpi thei cuang lo ding. Pathian hnenah ap uh. Thlacam in hngak uh," a rak ti.   Amy cun thinsau te'n a hngak – a fa