Nb Publishers

Luister hier na ‘n onderhoud met veteraanskrywer Marzanne Leroux van der Boon op MedFM waar sy oor haar nuutste boek Israel-reeks 11: Hooglied gesels. Die Jode het nog altyd ’n lied gehad om te sing: Soms ’n lied van vreugde; soms ’n lied van pyn en lyding. Ook vir die Kriges is daar vreugde liedere en pynliedere. Yhoshi word dertien en dis tyd vir sy bar mitzvah. Die kleine Chaya is twee en ’n blye lied vir almal om haar. Mara is in Jerusalem waar haar Joodsheid ’n nuwe lied vir haar word. Daar is ook ’n pragtige loflied wat gesing word deur Re’uven en Shlomit. Maar waar sal Marc sy vreugdelied vandaan kry waar hy weereens in die Haddasah-hospitaal pleit vir ’n geliefde se lewe? Hooglied is die elfde titel in Marzanne Leroux-Van der Boon se topverkoper- Israel-reeks. Marzanne besoek Israel gereeld en met haar diepgaande kennis van Israel skryf sy die Joodse leefwêreld vir haar lesers oop. Israel-reeks 11: Hooglied is landwys by boekwinkels en aanlyn beskikbaar.