Radio Scriptura

Onlangse nuusgebeure in Perspektief: 1. Pres. Ramaphosa se toespraak op 16 Desember 2019 2. Sosiale Media en PTSD ("Post Traumatic Stress Disorder") 3. Australië veldbrande en Coronavirus

In die episode kyk ons wat dit beteken dat God "soewerein" en "alwys" is. Ons het 'n groot troos dat ons behoort aan 'n God wat in beheer is.

'n Vraag waaroor elke mens behoort te dink en te kan antwoord is: Wie is God? Tog is die vraag vir sommige Christene moeilik om te antwoord, of hulle is nie seker of hulle antwoord reg is nie. Ken jy die Here? In hierdie reeks kyk ons hoe God Homself aan ons in die Skrif openbaar. Hierdie eerste episode handel oor die Drie-Eenheid van God.

Hierdie is die laaste episode in ons "Immanuel - God met ons!"- reeks. Ons kyk spesifiek na wat dit beteken as ons sê dat Jesus ons Advokaat is. MY kinders, ek skryf hierdie dinge aan julle, dat julle nie moet sondig nie; en as iemand gesondig het, ons het 'n Voorspraak by die Vader, Jesus Christus, die Regverdige. (1 Johannes 2:1)

Ons kyk in hierdie derde episode in die "Immanuel - God met ons"- reeks na Jesus as ons Hoëpriester.

Ons gesels in die episode spesifiek oor Christus as ons Verlosser onder die volgende hoofpunte:Ons gesels in die episode spesifiek oor Christus as ons Verlosser onder die volgende hoofpunte: Tipes van Christus in die Ou Testament (3:00) Jesus ons Volkome Verlosser (12:10) Jesus ons Enigste Verlosser (20:06)

Hierdie is ons laaste reeks vir 2019 en die tema daarvan is: Immanuel: God met ons. In hierdie episode fokus ons spesifiek op Christus se vleeswording.

November in Perspektief: 1. Springbokke wen die wêreldbeker 2. #ImStaying 3. Genadedood

In hierdie episode gesels ons met Prof Albert Coetsee en beantwoord twee luisteraarsvrae. Die eerste een gaan oor fisiese oefening en die tweede oor die "Voorspoedsteologie".

In hierdie episode beantwoord ons 'n luisteraar se vraag oor die werk van die Heilige Gees en ons gewete.  My gewete getuig saam met my in die Heilige Gees" Romeine 9:1. Die luisteraar wil weet hoe die Heilige Gees en ons gewete saam werk. Is dit die Gees of ons eie gewete wat ons weerhou daarvan om kwaad te doen? Of werk die Gees deur ons gewete?

In hierdie episode beantwoord ons 'n luisteraar se vraag oor die plek van Israel en die Kerk. Is Israel en die kerk dieselfde? Het die kerk vir Israel vervang? Deur wie voer God sy plan uit?

Ons kyk na Oktober 2019 se nuusgebeure vanuit 'n Bybelse Perspektief:   Wiskunde is onderdrukkend vir die skole in Seattle (00:45) Grantleigh: Godslasterlik of net kuns? (13:08) CSE: Seksonderrig in skole (26:03)

In die episode gesels ons oor die kerk en katkisasie en hoe dit inpas in die gesin se aanbidding.  

In hierdie episode kyk ons na die praktiese sy van huisgodsdiens. Ons kyk na hoe ons, ons huisgodsdiens moet inrig en dan ook na hindernisse wat daar mag wees.

Hierdie is ons eerste episode in 'n reeks oor "Huisgodsdiens". Ons kyk na Skrifbeginsels as motivering vir huisgodsdiens, uitdagings en die noodsaaklikheid van huisgodsdiens.  

Ons kyk na hierdie maand se nuusgebeure vanuit 'n Bybelse perspektief: Wetgewing aangaande lyfstraf in SA Die doodstraf Benny Hinn se bekering

Hierdie is die laaste episode in ons reeks oor "Identiteit". Ons het eers die vrae gevra: "Wie is ek?" en toe "Wie sê die Here is ek?". In hierdie derde episode wil ons uitvind hoe ons nou kan word wat ons is. Ons kyk veral na praktiese riglyne vanuit die Skrif.

Hierdie is die tweede episode in die reeks oor "Identiteit". Ons vra die vraag: Wie sê die Here is ek?  

Hierdie is die eerste episode in ons nuwe reeks oor "Identiteit". En in die episode vra ons die vraag: "Wie is ek?" Ons praat oor die beeld wat jy van jouself het. Letterlik, hoe jy jouself sien en wie jy dink jy is. In hierdie episode wissel ons gedagtes oor die vraag wat ons almal vir onsself vra en moet vra: “wie is ek?”

Dit is opvallend hoe daar tans in Suid-Afrika en regoor die wêreld protes-optogte gehou word. Baie keer gaan dit selfs oor tot geweld of vandalisme. Is protes-optogte iets waaraan Christene behoort deel te neem? Hoe sou ons deelname daaraan lyk? (03:20) Wat sê die Skrif oor opstand teen die regering, en hoe behoort gelowiges op te tree teenoor 'n goddelose regering? (17:38) "Laat elke mens hom onderwerp aan die magte wat oor hom gestel is, want daar is geen mag behalwe van God nie, en die wat daar is, is deur God ingestel" Rom 13:1